Slapeloosheid in die Somer (vir Liesel)

tjier–tjierie, tjier–tjierie
juig ‘tot weersiens!’ na die maan —
met ligte las
word al klaar baljaar
so tussen ’n takkie en ’n blaar:
’n witogie hier,
nee, dáár!
Lig-flitsies in die bloekomlaan

tjier–tjier! tjier–tjier!
’n wekroep gil tot op die maan —
moeisaam flenter sonbane
flou–vaag deur digte blare:
belaaide takke kerm hier,
kreun dáár
met besware;
want vyfuur is nog midderaand

© Sara Dias January 8th, 2008